KAINA NUPUI KHA TUNGE NI?

1. Bible Sawi Dan (The Holy Bible) • A Nupui Neih Dan Leh Fapa Pianna:“Tin, Kaina chuan a nupui a pawl a; tin, a lo rai a, Enoka a hring a; tin, khua a din a, a khaw hmingah chuan a fapa hming chawiin Enoka a sa a. — Genesis 4:17

A Nupui Khawi Aṭanga Lo Chhuak Nge? Bible hian Kaina nupui hming a tarlang kher lo va. Mahse, Adama leh Evi te khan fapa leh fanu dang tam tak an nei tih a tarlang:“Setha a neih hnuin Adama kum zat chu kum zariat a ni a, fapate, fanute a hring a.” — Genesis 5:4

Ennawnna: Hemi hun laiah hian mihring hmasa berte an nih avangin unau leh laichin inngaih khapna dan (Leviticus 18:9) a la awm lo va, Kaina hian a unaunu emaw a vahnu emaw a nei tih a chiang a ni.

Thlirna dang ; Ringtu thenkhat chuan Vantirhkoh hel PATHIAN in lei a a paih thlak te zing ami tiin an ring ve bawk. Mahse Ramhuai te leh Mihring te in laichin na siam chu LALPAN rem a tih kei pawn ka ringlo.

2. Book of Jubilees Sawi Dan (Book of Jubilees hi BC kum zabi 2-na vela ziah, Bible-a telh loh hmasang lehkhabu hlui a ni)

Book of Jubilees-ah chuan Kaina nupui hming leh an inlaichinna a chiang lehzualin a inziak: • A Nupui Hming:“Tin, Kaina chuan a farnu Awani (Âwân) chu nupui atan a nei a; tin, jubilee palina a ral dawn hnaih chuan Enoka a hrin sak a.” — Jubilees 4:9

• Khawvel In Din Chhoh Dan:“Tin, jubilee pangana chawlhkar hmasa ber kum khatnaah chuan leiah hian in te an sa ṭan a, tin, Kaina chuan khua a siam a, a hmingah a fapa hming chawiin Enoka a sa a.” — Jubilees 4:9

• Adama Fanu Hmasate: Book of Jubilees tarlan danin, Adama leh Evi te chuan fanu pahnih an nei hmasa a: 1. Awani (Awan): Kaina nupui 2. Azura: Setha nupui

THU BELH : 1. Leviticus Dan (Leviticus 18:9, 20:17) • A Ziah Hun Leh A Chhan: Leviticus dan hi Sinai tlanga Mosia hnena Pathian pek a ni a. Genesis hun aṭanga kum sang tam tak hnu, Israel fate Aigupta aṭanga an chhuah hnuah chauh pek a ni. A chhan chu: • Khawtlang thianghlimna leh bawlhhlawhna lak ata invenna atan. • Thlah kalzelah natna leh pian sualna (genetic mutation) a lo pun tak avanga taksa hriselna humhalh nan. • Kaina Hun Nen A Inzawmna: Kaina hunah chuan Dan Thupek (Law of Moses) a la awm lo. Mihring hmasa ber te an nih avangin unau inneih mai loh chu thlah punna kawng dang a awm lo va, khang hun lai khan mihring genetic-ah dik lohna a la tlem avangin chutiang inneihna chuan pian sualna a la thlen ve lo bawk. Chuvangin, Kaina’n a farnu a neih kha Leviticus dan a la chhuah loh avangin dan bawhchhiatna a la ni lo.

Book of Jubilees Nihphung Leh Rintlak A Nih Dan • Lehkhabu Nihna: Book of Jubilees hi BC kum zabi 2-na (150–100 BC vel) a ziah, Juda thuziak hlui (Second Temple period) a ni. • Bible (Canon) Nen A Inlaichinna: • Kohhran Lente Zir Dan: Protestant, Catholic, leh Eastern Orthodox kohhrante chuan Book of Jubilees hi Thuthlung Hlui lehkhabu thianghlim zingah an telh ve lo (Apocrypha / Pseudepigrapha an ti). Chuvangin, doctrine pui ber atan hman a ni ngai lo. • Ethiopian Orthodox: Ethiopian Orthodox Tewahedo Church leh Ethiopian Juda (Beta Israel)-te chauhvin Bible ang thovin bu pum (Canon) zingah an chhiar tel a ni. • Thil Hriattir Dika A Lan Chhan: Genesis hian Kaina’n nupui a nei tih a sawi a (Gen 4:17), Adama leh Evi khan fapa leh fanu dang an nei tih a sawi bawk (Gen 5:4). Genesis sawi loh hming (Awan) leh chanchin kimchang zawk Jubilees hian a sawi mai a ni a, Genesis chanchin tarlan kalh lovin a rawn chhunzawm (harmonize) a ni.